“Үйэлэргэ умнуллубат аат” байыаннай оонньуу муус устар 15 күнүгэр икки хонуктаах буолан ааста.

“Үйэлэргэ умнуллубат аат” байыаннай оонньуу муус устар 15 күнүгэр икки хонуктаах буолан ааста.

Чурапчы улууһуттан уопсайа сэттэ хамаанда кыттыыны ыла кэлбитэ:
“Бэдэр” Арыылаах орто оскуолата (сал. Сергей Дагданча),
“Үрүҥ Уолан” Хайахсыт орто оскуолата (сал. Михаил Поисеев),

“Патриот” Дириҥ агроорто оскуола (сал. Дмитрий Посельскай),
“Мохсоҕол” Чурапчытааҕы гимназия (сал. Сергей Абрамов),
“Память” Чурапчы орто орто оскуолата (сал. Александр Оконешников, Александр Ефремов), “Факел” Чурапчытааҕы интэринээт-оскуола (сал. Петр Егоров),
“Хорсун” Хадаар орто оскуолата (сал. Иннокентий Гаврильев).

Үөрүүлээх чааска

Семен Флегонтов аатынан Хадаар орто оскуолатын дириэктэрин үөрэх чааһыгар солбуйааччы Лидия Григорьева, СӨ Ил Түмэн дьокутаата, улуустааҕы “Юнармия” хамсааһын салайааччыта Семен Никитин, улуустааҕы үөрэх управлениетын исписэлииһэ Иван Лукин, Иван Павлов аатынан Чурапчы орто оскуолатын дириэктэрин иитэр-үөрэтэр үлэҕэ солбуйааччы Дмитрий Попов, “Отчизна” гражданскай-патриотическай иитии Киинин бэрэссэдээтэлэ Уххан Андреев, Владимир Прокопьев, улуус бойобуой дьайыы бэтэрээннэрин Сэбиэтин бэрэссэдээтэлин солбуйааччы Сэмэн Жендринскэй эҕэрдэ тылы эттилэр.

Үөрэнээччилэр устуоруйа олимпиадатыгар, хоһоон ааҕыыга, Кыайыы ырыатын толорууга, дакылаат ааҕыытыгар уонна брейн-ринг өркөн өйдөөхтөр түһүмэхтэригэр бэйэлэрин кытары илин-кэлин түһүстүлэр. Бастакы күн түмүгүнэн 1 миэстэҕэ Иван Павлов аатынан Чурапчы орто оскуолата инники күөҥҥэ таҕыста, 2 миэстэҕэ Арыылаах орто оскуолата оттон 3-с миэстэҕэ Чурапчытааҕы гимназия иһэллэр.

Күрэхтэһии арыллыытын Марианна Макарова гитаранан ырыата, пионердар хордара, үөрэнээччилэр толорбут инсценировкалара киэргэтэн, ситэрэн-хоторон биэрдэ.

Байыаннай-ыспартыыбынай оонньуулары түмүктүүр чааска, Дьокуускай куораттан биһиги улууспутугар өр сылларга байыаннай хамыһаарынан үтүө суобастаахытк үлэлээбит, саппаас подполковнига, билигин “Юнармия” Бүтүн Арассыыйатааҕы хамсааһын Саха сиринээҕи ыстаабын салайааччыта Николай Андреев, СӨ ис буойска уонна ис дьыала бойобуой дьайыы бэтэрээннэрин бырабылыанньатын бэрэссэдээтэлэ Николай Гребенников, СӨ Ил Түмэн дьокутаата, саппаас майора, улуустааҕы “Юнармия” хамсааһын салайааччыта Семен Никитин кыттыыны ыллылар.

Икки күн түмүгүнэн: 1 миэстэни уонна көһө сылдьар “Эдэр Карбышевтар” кубоктарынан Улуу тириэньэр Дмитрий Коркин аатынан Чурапчытааҕы өрөспүбүлүкээнискэй олимпийскэй эрэллэри бэлэмниир ыспартыыбынай интэринээт-оскуола иитиллээччилэрэ наҕараадаланнылар, салайааччы Петр Егоров. Иккис миэстэҕэ буойун-учуутал Степан Макаров аатынан Чурапчы гимназиятын үөрэнээччилэрэ, салайааччы Сергей Абрамов уонна үһүс миэстэҕэ Семен Флегонтов аатынан Хадаар орто оскуолата, салайааччы Иннокентий Гаврильев тиксэннэр, олохтоохтор үөрүүлэрэ улахан. Итини таһынан кыайыылаахтарга, Семен Дмитриевич төрөппүт кыргыттара Светлана Семеновна уонна Наталья Семеновна ааттарыттан харчынан бириэмийэлэр туттарылыннылар.