Илин эҥээр үөрэхтээһинин форумун агрооскуолаларын хайысхата Уйбаан Доосо аатынан Дириҥ орто агро оскуолатыгар (директор Адамов Е.В.) таһаарыылаахтык үлэлээтэ.

Илин эҥээр үөрэхтээһинин форумун агрооскуолаларын хайысхата Уйбаан Доосо аатынан Дириҥ орто агро оскуолатыгар (директор Адамов Е.В.) таһаарыылаахтык үлэлээтэ.

Бу площадкаҕа уопсайа 80тан тахса киһи кыттыыны ылла. Ол курдук, 8 улуустан уонна Дьокуускай куораттан 24 оскуола, 1 уһуйаан педагогтара, үөрэх салалтатын специалистара, маны таһынан "Юные якутяне" республикатааҕы ресурснай киин, Дьокуускайдааҕы тыа хаһаайыстыбатын техникумун, Чурапчы аграрнай-техническэй колледж, Арктическай агротехнологическай университет салайааччылара, үлэһиттэрэ мустан илин эҥээр агро хайысхалаах оскуолалара сайдар суолларын ырытыстылар. Площадканы иилээн-саҕалаан Брызгалов Александр Романович, "Юные якутяне" киин дириэктэрин солбуйааччы уонна Гуляев Василий Васильевич , Чурапчытааҕы аграрнай-техническэй колледж дириэктэрэ ыыттылар.

Сытыытык турбут кыһалҕалар, интэриэһинэй ыйытыылар, кэрэхсэбиллээх этиилэр иһилиннилэр. Холобур, оҕону оскуолаҕа киириэн инниттэн идэҕэ угуйуу, оскуолаҕа предметнэй үөрэхтээһини алын кылаастан киллэрии, үөрэнээччилэргэ эдэр сылгыһыт, ыанньыксыт идэлэргэ "Эдэр профессионаллар" курдук күрэхтэһиини тэрийии, илин эҥээр улуустарыгар биирдии тирэх буолар (опорнай) оскуоланы анаһын, агрооскуола выпускниктара тыа хаһаайыстыбата хайысхалаах үрдүк, орто анал үөрэх кыһаларыгар туттарсалларыгар эбии балл көрүллүүтэ уо.д.а.

Бу курдук Дириҥ оскуолатын базатыгар тыа хаһаайыстыбата сайдарын уһансар үөрэх кыһалара салгыы хайдах былааннаах үлэлииллэрин кэпсэттилэр, ырыттылар. Киирбит этиилэри сарсын салгыы көрөн СР үөрэҕин миниистирэ Соколова Ньургуна Афанасьевна, Ил Түмэн депутата Григорьева Антонина Афанасьевна кыттыылаах быһаарыныы ылыллар.