Одьулуун нэһилиэгэр Өйөбүл кыната общественнай волонтерскай хамсааһын тэриллэн.

Одьулуун нэһилиэгэр «Өйөбүл кыната» общественнай волонтерскай хамсааһын тэриллэн, Чурапчы улууһуттан байыаннай дьайыыга сылдьар уолаттарбытыгар анаан олбохтору тиктилэр.

Олбох тигиитин Т.Г. Тоскин аатынан «Сайдыс» норуот айымньытын дьиэтэ, салайааччы Валентина Леонидовна Аржакова иилээн-саҕалаан, спонсордаан тиктэрдэ . Тигиигэ Одьулуун нэһилиэгин Далбар Хотуттара Ефимова Анна Семёновна, Адамова Мотрёна Семеновна, Артемьева Елена Дмитрьевна, Петрова Августина Егоровна, Софронова Туяра Ивановна, Ефимова Екатерина Михайловна

Малышева Фёкла Степановна, Пудова Анна Семёновна, Колесова Алевтина Тарасовна, Собакина Прасковья Егоровна, Седалищева Христина Никифоровна күүс-көмө буоллулар.

Рулоннай матырыйаалы Чурапчы улууһун «Санаа күүһэ» байыаннай дьайыыга сылдьар саллааттарга көмөлөһөр түмсүү спонсордаата. Байыаннай дьайыы бэтэрээнэ Адамов Иван Анатольевич пенофолунан көмөлөстө. Бу үлэ ыытылла турарын истэн сиэлинэн, кытыан отунан, Одьулуун нэһилиэгин педагогическай үлэ бэтэрээнэ Константинов Павел Васильевич уонна Седилищева Христина Никифоровна саха итэҕэлинэн алаас үөрэ отун, туос аҕалан бэйэлэрин көмөлөрүн оҥордулар.

Эбии мөһөөччүк тигиитигэр сиэл, кытыан от, харысхал угуутугар Васильева Варвара Петровна, Карамзина Мария Ильична, Куличкина Елена Николаевна, Кононова Виктория Викторовна, Седалищева Елена Михайловна, Дьяконова Сайаана Спартаковна, Куличкина Софья Александровна көмөлөстүлэр. Байыаннай дьайыы бэтэрээнэ Сорокоумова Анна Ильинична бэйэтин үтүө сүбэтин биэрдэ.

Дойдуларын күүһэ уолаттарбытын арыаллыы-араҥаччылыы сырыттын диэн алгыс тылбытын аныыбыт.