Сэтинньи 6 күнүгэр Чурапчы улууһун үөрэҕин салалтатын сыллааҕы былаанынан.

Сэтинньи 6 күнүгэр Чурапчы улууһун үөрэҕин салалтатын сыллааҕы былаанынан, оҕо уйулҕатын месячнигын чэрчитинэн С.С. Яковлев-Эрилик Эристиин аатынан Чакыр уонна А.П. Илларионов аатынан Хайахсыт орто оскуолаларыгар методическай десант таһаарыылаахтык үлэлээтэ.

Бу күн үөрэх салалтатын специалистара, иитии уонна эбии үөрэхтээһин салаатыттан Чичигинарова Евгения Ивановна, Хоютанова Екатерина Романовна, психолого-педагогическай арыаллааһын салаатыттан Монастырева Жанна Петровна, Филиппова Туяра Юрьевна педагогтарга, төрөппүттэргэ, үөрэнээччилэргэ анаан араас хабааннаах тэрээһиннэри ыыттылар, педагогтарга үлэ-үөрэх, иитии боппуруоһун өттүнэн методическай көмө, сүбэ-ама биэрдилэр. Биирдиилээн баҕалаах төрөппүттэргэ уонна оҕолорго араас хайысхалаах сүбэлэри оҥордулар, кэпсэтиини ыыттылар.

"Оҕону иитиигэ төрөппүт оруола" диэн

тиэмэлээх олус сэргэх, интэриэһинэй сүбэ мунньах буолан ааста. Чакырга уопсайа 16, Хайахсыкка 23 төрөппүт кыттыыны ылла.

Чакыр оскуолатыгар 16 педагог кыттыылаах "Иитии үлэтин сүрүн хайысхалара" диэн тиэмэнэн семинар-практикум ыытылынна.

Оҕо иитиитигэр туһаайыллыбыт маннык дьаһаллар аныгы дьалҕааннаах кэмҥэ төрөппүккэ, оҕоҕо уонна учууталга туһалаах буолаллар.