А. П. Илларионов аатынан Хайахсыт орто оскуолатын үөрэнээччилэрин күһүҥҥү сынньалаңнарыгар "Профориентационные каникулы" диэн сонун хамсааһын са5аланна.

А. П. Илларионов аатынан Хайахсыт орто оскуолатын үөрэнээччилэрин күһүҥҥү сынньалаңнарыгар "Профориентационные каникулы" диэн сонун хамсааһын са5аланна.

Бүгүн о5олор олохтоох нэһилиэнньэ дьарыгын кытта билсиһэр сыаллаах тэрилтэлэринэн экскурсия5а сырытттылар.

Ол курдук, 1,3,4 кылаас үөрэнээччилэрэ (кылаас салайааччылара: Нь.С.Бандерова, А.П.Федулова, П.Н.Потапова) И.Г. Тимофеев -Теплоухов аатынан «Алаһа» норуот айымньытын дьиэтин үлэтин кытта билистилэр. Кырачааннары Т.И. Поисеева арыаллаан кулууп ис үлэтин туһунан сиһилии кэпсээтэ.

7,8 кылаас үөрэнээччилэрэ (кылаас салайааччылара: Л.И.Филиппова, Н.С.Борисова) -чуолаан кинотеатр , норуот айымньытын дьиэтин иһинэн үлэлиир олохтоох араадьыйа үлэтин кытта билистилэр, кулууп директорын В.М. Поисеевтыын көрүстүлэр. Сорох үөрэнээччилэр олус сэргээн олохтоох араадьыйаны кытта үлэлэһиэх буолан ба5а санааларын эттилэр. Библиотека үлэтин Н. Н. Хоютанов бэркэ кэпсээн, билиһиннэрэн, оҕолор билиилэрин таһымын үрдэтэ таарыйа викторина оонньоппута олус сэргэх буолла.

Кулууп иһинэн үлэлиир бильярдка, хаамыска5а, хабылыкка общественнай тренер П. Ф. Митин кулууп иһигэн үлэлиир остуол оонньууларыгар маастар-кылаас көрдөрдө.

10,11 кылаас үөрэнээччилэрэ (кылаас салайааччылара: А.А. Романова, М.П. Андреева) В.В. Божедонов аатынан олохтоох балыаһаҕа Василий Васильевич Божедоновка анаммыт мусуой хоско сылдьан медицина сайдыытын историятын кытта билистилэр, балыаһа үлэһиттэрэ Г. И. Монастырев, М.С. Маркова салалталарынан үөрэнээччилэр дабылыанньа кээмэйдээн, хаан саахарын мээрэйдээн медик идэтигэр холонон көрдүлэр.

9 кылаас үөрэнээччилэрэ (кылаас салайааччыта : Л.М. Филиппова) ИП А.М. Поисеева маҕаһыыныгар сылдьан бурдук ас астыыр технологиятын кытта билсэн, астаан көрдүлэр.

Бу күн 2 кылаас үөрэнээччилэрэ (кылаас салайааччыта А.Г. Кузьмина) олохтоох лааппыга экскурсиялаатылар. Ма5aһыын салайааччыта Е. Е. Филиппова о5олорго атыыһыт үлэтин, маҕаһыыҥҥа сылдьыы бэрээдэгин туһунан сиһилии билиһиннэрдэ.

Оҕолор атыыһыт, атыылаһааччы оруолугар буолан көрдүлэр, табаар фасовкалаан, ыйаан, сыанатын суруйан бэлэмнээтилэр.

Бу курдук, сынньалаҥ бастакы күнэ олус интэриэһинэйдик ааста. Бүгүҥҥү күн туһата, үөрэнээччилэр өйдөрүгэр-санааларыгар хаалыа, инникитин олоххо суолларын булуналларыгар көмө буолуо диэн эрэлбит улахан.

Хайахсыт орто оскуолатын администрациятын аатыттан олохтоох тэрилтэлэрбит салайааччыларыгар улахан махталбытын тиэрдэбит!