Чурапчы улууһун күн күбэй ийэлэрин Саха сиригэр Ийэ күнүнэн, алаһа дьиэ аҕа баһылыктарын Арассыыйаҕа Аҕа күнүнэн улуус салалтатын уонна тус бэйэм ааппыттан ис сүрэхпититтэн итиитик-истиҥник эҕэрдэлиибин!

Чурапчы улууһун күн күбэй ийэлэрин Саха сиригэр Ийэ күнүнэн, алаһа дьиэ аҕа баһылыктарын Арассыыйаҕа Аҕа күнүнэн улуус салалтатын уонна тус бэйэм ааппыттан ис сүрэхпититтэн итиитик-истиҥник эҕэрдэлиибин!

Бүгүн биһиги эһиэхэ, бары ийэлэргэ уонна аҕаларга дьиэ кэргэҥҥитигэр итии тапталгыт, тулуургут, дьулуургут, оҕо-уруу туһугар бүппэт түбүктээх айымньылаах үлэҕит, дойдуга бэриниилээх, бар дьоҥҥо көдьүүстээх ыччаты иитэн таһаарыыгыт иһин махтал сылаас тылларын аныыбыт.

Россияҕа – Дьиэ кэргэн, Саха сиригэр – Оҕо аймах, улууска Ыал саргытын сылларыгар дьиэ кэргэн сыаннастарын үрдэтиини, уйгутун улаатыннарыыны өйүүр эбии миэрэлэр, саҥа бырагыраамалар уонна бырайыактар олоххо киирэ тураллар. Оҕо уһуйааннара, оскуолалар, доруобуйа харыстабылын эбийиэктэрэ, успуорт уонна сынньалаҥ тэрилтэлэрэ тэтимнээхтик тутуллаллар. Улууспугар элбэх оҕолоох ыаллар сыллата эбиллэн иһиилэрэ ийэ уонна аҕа оҕону атахха туруорууга, кэлэр кэскилгэ бигэ эрэллэрин кэрэһилиир.

Бары ийэлэргэ уонна аҕаларга бу икки үтүө суолталаах бырааһынньыктарынан чэгиэн-чэбдик, чөл туругу, дьиэ кэргэҥҥитигэр или-эйэни, тапталы уонна өйдөһүүнү, дьоллоох, нус-хас олоҕу баҕарабын!

Степан Саргыдаев