Үүнэн эрэр көлүөнэни дойдуга бэриниилээх буолууларын бөҕөргөтөргө Юнармия Бүтүн арассыыйатааҕы оҕо байыаннай-патриотическай уопсастыбаннай хамсааһын суолтата улахан.

Үүнэн эрэр көлүөнэни дойдуга бэриниилээх буолууларын бөҕөргөтөргө «Юнармия» Бүтүн арассыыйатааҕы оҕо байыаннай-патриотическай уопсастыбаннай хамсааһын суолтата улахан.

Алтынньы 16 күнүгэр Иван Михайлович Павлов аатынан Чурапчы орто оскуолатыгар “Юнармия” улуустааҕы III-с сүлүөтэ «Боотур уус сыыдьааннара» бырагыраама чэрчитинэн ыыттылынна. Сүлүөккэ Чурапчы улууһун 17 оскуолатыттан барыта холбоон 105 үөрэнээччи, ону таһынан опыт атастаһа диэн Таатта улууһун хамаандата кыттыыны ыллылар.

Сүлүөт үөрүүлээх аһыллыытыгар военно-патриотическай күрэхтэргэ өрөспүүбүлүкэ хас да төгүллээх кыайыылаахтарын чиэстээһин буолла, оҕолорго уонна военно-патриотическай кулууб салайааччыларыгар Чурапчы улууһун дьаһалтатын, Үөрэх управлениятын аатыттан грамоталар уонна сэмэй бэлэхтэр туттарыннылар. Биир долгутуулаах түгэнинэн Иван Павлов аатынан Чурапчы орто оскуолатын 5 “б” кылааһын үөрэнээччилэрэ “Юнармия” хамсааһынын кэккэтигэр киирбиттэрэ буолла.

Сүлүөт күрэҕин салайан ыытта кылаабынай судьуйа Лукин Иван Петрович. Хамаандалар биэс түһүмэҕинэн бириэмэҕэ аармыйа күннээҕи олоҕор туттуллар автомат ыһыытыгар-таҥыытыгар, эт-хаан өттүнэн бэлэмнээх буолууларын тургутууга күрэхтэстилэр. Оҕолор бары да бэлэмнээхтэрин, эргиччи үрдүк таһымнаахтарын көрдөрдүлэр. Күрэхтэһии түмүгүнэн кыайыылааҕынан буолла Д.П. Коркин ЧРССШИОР хамаандата, иккис миэстэҕэ таҕыста С.К. Макаров аатынан Чурапчы гимназиятын хамаандата, үһүс миэстэни ылла С.А.Новгородов аатынан Чурапчы орто оскуолатын юноармеецтарын хамаандата. «Юнармия» кэлэр көлүөнэбит патриотическай итиигэ сөптөөх хайысха диэн үөрэбит.