Чурапчы нэһилиэгин олохтоохторун истиилэригэр!

Чурапчы нэһилиэгин олохтоохторун истиилэригэр!

Ыты иитии боппуруоһа сытыытык турар. Уулуссаҕа көҥүл сылдьар ыттар оҕолорго, дьоҥҥо-сэргэҕэ кутталы үөскэтэллэр.

Хас биирдии ыт хаһаайына иитэр кыылыгар эппиэтинэһэ суох сыһыаннаһыытын түмүгэр араас быһылааннар тахса тураллар.

Хас биирдии ыты, куосканы иитэ ылар дьон бастатан туран эппиэтинэһи бэйэтэ сүгэрин өйдөөн туран дьиэ кыылын иитэргэ быһаарыныыны ылыныахтаах.

Чурапчы нэһилиэгин иһинэн бэйдиэ сылдьар ыттары бэрээдэктээһин үлэтэ дьаһалтанан уонна туһааннаах тэрилтэлэринэн ыытылла турар.

Ол курдук, алтынньы ый 15 күнүгэр нэһилиэк дьаһалтатын, полиция үлэһиттэрэ, ветеринарнай управление вет.бырааһа уонна ветеринарнай инспектор буолан холбоһуктаах хамыыһыйанан рейдэ ыытылынна, ол түмүгэр:

- дьиэ кыылын сөптөөхтүк иитиигэ сүбэ, памятка туттарылынна;

- ⁠элбэх ыт мустар сирдэринэн кэрийэн рейдэ оҥоһулунна;

1. С.А. Новгородов аатынан оскуола;

2. ⁠С.К. Макаров аатынан гимназия;

3. ⁠Речная, Октябрьская, Аартык, Башарина, Спортивнай уулусса уонна Спортивнай переулок территорияларыгар.

Түмүккэ:

Бэйдиэ сылдьар оҕо ыттар чиптэрэ суох мустан сылдьаллара көһүннэ.



ЭБИИ ИҺИТИННЭРИИ:

Федеральнай сокуон 27.12.2018 с. №498 уонна Саха өрөспүүбүлүкэтин бырабыыталыстыбатын 01.08.2014 с. №247 «Ыты, куосканы тутуу, көрүү-истии» уураахтарыгар олоҕуран иhитиннэрэбит:

Хас биирдии дьиэ кэргэн ыт, куоска иитэ ыларыгар эппиэтинэһи сүгэр. Ыт, куоска паспордаах буолара ирдэнэр.

Бэйдиэ сылдьар ыттар үксүлэрэ хаһаайыннаах.

Оскуола, детсад оҕолоругар, дьоҥҥо-сэргэҕэ, тулалыыр эйгэҕэ кутталы үөскэппэт туһуттан ыттаргытын булгуччу баайаргытыгар.

Хаhаайыттар ыттаргытын күрүө таhыгар таhаараргыт бобуллар. Күрүө таhыгар таhаарар түгэҥҥитигэр ыкка намордник уонна ошейнигыттан тутар быалаах (поводок) баар буолуохтаах

Ыттаах ыал күрүө иhигэр ыт баарын туhунан биллэрии ыйыыргыт булгуччулаах.

Бу быраабыланы тутуспат түгэҥҥитигэр РФ уонна Саха сирин сокуонугар олоҕуран эппиэтинэhи сүгэҕит.

«Чурапчы нэһилиэгэ» тыа сирин түөлбэтин дьаһалтата.