сылы Чурапчы нэһилиэгин дьаһалтата Чөл олох сылынан биллэрбитэ.

сылы Чурапчы нэһилиэгин дьаһалтата Чөл олох сылынан биллэрбитэ.

Ол сүнньүнэн сыл устата былааннаан үлэлэр бараллар.

Нэһилиэк баһылыга Владимир Сивцев уопсайа үс төгүл уһуйаан сэбиэдиссэйдэрин уонна логопедтарын түмэн уһуйаан саастаах оҕолор доруобуйаларын тула мунньахтары тэрийдэ.

Бу үс кэпсэтии түмүгүнэн уһуйааҥҥа сылдьар үгүс оҕо сатаан сөптөөхтүк саҥарбата, бэйэтин толкуйун тылынан кыайан эппэт буолуута эбит.

Бүгүн нэһилиэкпит иһигэр үлэлии сылдьар бары логопедтар, дефектологтар кэлэн көхтөөх кыттыыны ыллылар.

Бары билэрбит курдук кэнники сылларга информационнай технология күүскэ сайдыытын түмүгэр, оҕо тылын сайдыыта мөлтөөбүтүн нэһилиэнньэ бары араҥата билэ-көрө, истэ сылдьабыт.

Бу логопед эрэ кыаҕынан быһаарыллыбат кыһалҕа буолар.

Ол курдук улуустааҕы логопедтар методическай түмсүүлэрин салайааччыта, «Чуораанчык» уһуйаан логопед -учуутала Марфа Игоревна Корякина, дьиэ кэргэҥҥэ элбэх өҥөнү оҥорор киин дефектолог-логопеда А.И.Саввина, «Березка» уһуйаан дефектолог-логопеда М.А.Андреева, бэйэлэрин көрүүлэрин, опыттарын, санааларын үллэһиннилэр.

Инники былааннары торумнаатылар, соруктары туруордулар.

Сэтинньи ый 14 күнүгэр логопедтар аан дойдутааҕы күннэрэ бэлиэтэнэр. Манна улуустааҕы логопедтар түмсүүлэрэ ыытыллар үлэ туһунан сырдатан, нэһилиэнньэҕэ, чуолаан төрөппүттэргэ анаан көмө матырыйаал таһаарарга баҕа санааларын эттилэр уонна туоларыгар үлэлэһэргэ бэлэмнэрин биллэрдилэр.

«Чурапчы нэһилиэгэ» тыа сирин түөлбэтин дьаһалтата.