Чурапчыга дьиэ кэргэн ГТО-тун кыайыылаахтара уонна убаһа хаһаайына ааттанна

Чурапчыга дьиэ кэргэн ГТО-тун кыайыылаахтара уонна убаһа хаһаайына ааттанна

Бүгүн, “Боотур Уус” стадионугар “Ыал саргыта” бырагыраамма чэрчитинэн улууспутугар аан бастыкыт дьиэ кэргэн ГТО-та тэриллэн ыытылынна.

13 дьиэ кэргэн оҕолорун кытары илин-кэлин түһүстүлэр: сүүрүүгэ, буулдьа санаанан ытыыга, турникка тардыныыга, миэстэттэн ыстаныыга, имигэһи быһаарыыга, гиирэни көтөҕүүгэ, ис былчыҥын хачайдааһыҥҥа бэйэлэрин күүстэрин тургутан көрдүлэр.

Ордук көхтөөхтүк Кытаанахтан, Болтоҥоттон иккилии дьиэ кэргэн, Хоптоҕоттон, Алаҕартан, Сылаҥтан биирдии уонна Чурапчы нэһилиэгиттэн 6 дьиэ кэргэн кытыннылар.

Күрэхтэһии буолан баран түмүктээх буолар, ол курдук уопсай очукуоларынан уонна оҕолорун ахсаанынан тус-туһунан түмүк таҕыста.

Биир оҕолоох дьиэ кэргэҥҥэ:

1 миэстэ – Чурапчыттан 73 бааллаах Василий, Надежда, Айгыына Лукиннар дьиэ кэргэттэрэ;

2 миэстэ – Чурапчыттан 72 бааллаах Прокопий, Марианна, Виолетта Макаровтар дьиэ кэргэттэрэ;

3 миэстэ – Сылаҥтан 68 бааллаах Юрий, Сайыына, Сарыал Семеновтар дьиэ кэргэттэрэ.

Икки оҕолоох дьиэ кэргэҥҥэ:

1 миэстэ – Чурапчыттан 94 бааллаах Василий, Лилия, Ньургун, Ирина Степановтар дьиэ кэргэттэрэ;

2 миэстэ – Хоптоҕоттон 92 бааллаах Василий, Елена, Дарина, Долун Посельскайдар дьиэ кэргэттэрэ;

3 миэстэ – Чурапчыттан 79 бааллаах Эдуард, Алена, Нелли, Наина Божедоновтар дьиэ кэргэттэрэ.

Үс оҕолоох дьиэ кэргэҥҥэ:

1 миэстэ – Чурапчыттан 107 бааллаах Михаил, Акулина, Александра, Ульяна, Степан Степановтар дьиэ кэргэттэрэ буоллулар.

Түмүккэ кыттыбыт дьиэ кэргэттэр икки ардыларыгар убаһаҕа сэрэбиэй тардыыта тэрилиннэ, манна ордук баартаахтарынан Чурапчы нэһилиэгиттэн Василий Васильевич уонна Наталья Константиновна Гурьевтар, уолларыныын Семены кытары буоллулар. Инньэ гынан Гурьевтар төһө даҕаны миэстэлэспэтэхтэрин иһин илии тутуурдаах, өттүк харалаах дьиэлээтилэр.

Сэмэн Жендринскэй. Хаартысканы Александр Диодоров тиксэрдэ

Ылыллынна: https://санаолох.рф/churapchyga-die-kergen-gto-tun-ky..