РФ Бэрэсидьиэнэ В.Путин көҕүлээһининэн Үөрэхтээһин национальнай бырайыак Аныгы оскуола бырайыагын олоххо киллэрии чэрчитинэн тыа оскуолаларыгар 2019 сылтан Точка роста үөрэх кииннэрэ аһыллан үлэлэрин саҕалаабыттара.

РФ Бэрэсидьиэнэ В.Путин көҕүлээһининэн «Үөрэхтээһин» национальнай бырайыак «Аныгы оскуола» бырайыагын олоххо киллэрии чэрчитинэн тыа оскуолаларыгар 2019 сылтан «Точка роста» үөрэх кииннэрэ аһыллан үлэлэрин саҕалаабыттара.

Саҥа үөрэх дьылын көрсө республика үрдүнэн 64 маннык үөрэх киинэ аһыллар. Ол курдук, бүгүн биһиги улууспутугар естественнэй-научнай уонна технологическай хайысхалаах кииннэр Төлөй, Арылаах, Кытаанах, Болтоҥо уонна Бахсы орто оскуолаларыгар үөрүүлээхтик арылыннылар.

Бырайыак сыала-соруга — ыраах баар нэһилиэнньэлээх пууннартан оҕолору аныгы технологияларга чугаһатыы, сыһыарыы итиэннэ естественно-научнай хайысхаҕа билиилэрин-көрүүлэрин дириҥэтэллэригэр, кэҥэтэллэригэр болҕомтону ууран, оскуолалар материальнай-тэхническай баазаларын саҥардан оҥоруу буолар.

Улуус салалтатын өттүттэн уөрэхтээһин эйгэтин сайыннарыыга үгүс өйөбүл баарын бэлиэтиибит. Бу бырайыак олоххо киирэригэр ремоннааһынҥа, саҥа миэбэлинэн хааччыйыыга үп көрүллэн биология, химия уонна физика кабинеттара саҥардыллан оҥоһулуннулар. Аныгылыы саҥа цифровой тэриллэр, лабораториялар, микроскоптар оҕолор бу биридимиэттэри дириҥэтэн үөрэтэллэригэр, науканан дьарыктаналларыгар төһүү күүс буолуохтара.

Yөрүүлээх тэрээһиҥҥэ нэһилиэк баһылыктара, администрация үлэһиттэрэ, Чурапчы улууһун үөрэҕин салалтатын начальнигын солбуйааччылара, отдел начальниктара, төрөппүттэр кэлэннэр эҕэрдэлээтилэр, маннык киин тэриллибитэ кэскиллээҕин бэлиэтээтилэр, оҕолорго ситиһиилээх үөрэҕи баҕардылар.

Тэрээһин арыллыытын кэннит¬тэн тута учууталлар цифровой лабораториялары туһанан олус интэриэһинэй маастар кылаастары ыыттылар. Манна оҕолор бэйэлэрэ уопыт оҥорон көрдүлэр, көстөр чахчылары сонуннук, атын өттүттэн көрөн сөхтүлэр. Бу курдук саҥа арыллыбыт “Точка роста» үөрэх кииннэрэ оҕолорбут сайдалларыгар кыаҕы биэрэ турдунар.