Күндү Чурапчы улууһун ыччата, эдэркээн уолаттар уонна кыргыттар!

Күндү Чурапчы улууһун ыччата, эдэркээн уолаттар уонна кыргыттар!
Ыччат күнүнэн барыгытын итиитик-истиҥник эҕэрдэлиибин!
Биһиги улууспут ыччата талааннаах, үөрэххэ, сайдыыга дьулуурдаах, үтүөҕэ тардыһар кэскиллээх санаалаах уонна киэҥ былааннардааҕыттан үөрэбин, астынабын. Эһиги буолаҕыт - нэһилиэккит, улуускут, тапталлаах Сахаҕыт сирин уонна дойдубут кэскилин, уйгулаах олоҕун салҕааччылар, аҕа көлүөнэбитин чиэстээхтик солбуйар, эрэнэр дьоммут.

Ыччаты кытта ыкса алтыһан үлэлээбит уонна үлэлиир буоламмын, эһиги кыаххыт, билиигит-көрүүгүт, аныгы кэми кытта тэҥҥэ, сороҕор урутаан да иһэрин билэбин. Өрөспүүбүлүкэҕэ, улууска ыччакка көмөлөөх өйөбүл араас көрүҥнэрэ оҥоһулла тураллар. Онон хаһан баҕарар биир сиргэ турбакка, бииртэн биир үрдэлгэ тэтимнээхтик тахсан иһэргэ усулуобуйа баар.
Эһиэхэ ыччакка аналлаах бырайыактары олоххо киллэриигэ көхтөөх кыттыыгыт, сырдык баҕа санааларгыт, этиилэргит уонна бырайыктаргыт иһин улуус салалтатын уонна тус бэйэм ааппыттан махталбын биллэрэбин. Баҕарабын ылсыбыт дьыалаҕытыгар ситиһиини, эдэрдии күүрээни, эрчими, бэйэҕэ бигэ эрэли, дьиҥнээх доҕоттору, туохтан да толлубат дьулууру уонна тус олоххутугар үөрэх, үлэ, дьарык, таптал уонна доҕордоһуу өрүү баар буоллун!