Чурапчы улууһун үөрэҕин салалтатын, Алаҕардааҕы “Алгыс” уһуйаан тэрийиилэринэн быйыл Россияҕа «Норуоттар бииргэ буолууларын», Саха Өрөспүүбүлүкэтигэр «Култуура», Чурапчы
10:35 25.02.2026 16+
Чурапчы улууһун үөрэҕин салалтатын, Алаҕардааҕы “Алгыс” уһуйаан тэрийиилэринэн быйыл Россияҕа «Норуоттар бииргэ буолууларын», Саха Өрөспүүбүлүкэтигэр «Култуура», Чурапчы улууһугар «Олохтоох бэйэни салайыныы» сылыгар анаммыт улуустааҕы “Боотур Уус сыдьааннара” программа чэрчитинэн ыытыллар «Мин дойдум – модун Россия!» патриотическай композиция күрэҕэ 3 төгүлүн буолан ааста.
Быйылгы күрэх тиэмэтэ- «Россия норуоттара». Уопсайа 17 уһуйаантан 172 оҕо кыттынна. Күрэхтэһээччилэр Россияҕа олорор 10 араас омук сүрүн уратыларын, культураларын, олохторун-дьаһахтарын, үгэстэрин айымньылаахтык арыйан көрдөрдүлэр.
Күрэх түмүгэ:
Кылаан чыпчаал – П. М. Васильев аатынан Соловьев орто оскуолатын уһуйаан бөлөҕө (долган);
1 үрдэл – ОСК “Алгыс” уһуйаан Чыаппара (саха);
2 үрдэл - В.С. Яковлев – Далан аатынан Кытаанах орто оскуолатын уһуйаан бөлөҕө (тувин);
3 үрдэл- ОСК “Туллукчаан» уһуйаан Чурапчы сэл. (казах);
1 үктэл – П.И.Борисова аатынан ОСК «Улыбка» уһуйаан Чурапчы сэл. (бурят);
2 үктэл – Мугудайдааҕы ОСК «Чуораанчык» уһуйаан (чечен);
3 үктэл - Д. Г. Барашков аатынан Бахсы орто оскуолатын уһуйаан бөлөҕө (татар).
Төрөөбүт дойдубут модун Россия чэчирии сайдарыгар, норуоттарын сомоҕолоһууларыгар кылааккытын киллэрсэн бары конкурска кыттыыны ылбыт уһуйааннарга, салайааччыларга истиҥ махталбытын тиэрдэбит.
