Алын сүһүөх кылаас учууталларын методическай холбоһуктарын «Начальное образование -2026» республиканскай күрэх улуустааҕы түһүмэҕин түмүгэ
12:16 13.02.2026 16+
Алын сүһүөх кылаас учууталларын методическай холбоһуктарын «Начальное образование -2026» республиканскай күрэх улуустааҕы түһүмэҕин түмүгэ
Бүгүҥҥү күрэх олус тыҥааһыннаах уонна интэриэһинэй буолла. 3 түһүмэҕинэн ыытылынна: команданан бэйэни билиһиннэрии, “Мастерская наставника» - уруокка туттуллар методтары, технологиялары көрдөрүү, «Педагогическай хакатон” – педагогическай ситуациялары быһаарыы. Манна бары кыттааччылар бэйэлэрин бастыҥ дьоҕурдарын, уопуттарын уонна үлэҕэ бэриниилээхтэрин толору көрдөрдүлэр.
Дьүүллүүр сүбэҕэ үлэлээтилэр: Винокурова И.Г., Чурапчы улууһун үөрэҕин салалтатын уопсай үөрэхтээһин уонна методическай хааччыйыы отделын салайааччыта; Нестерева Н.А., Сыланнааҕы «Сулусчаан” уһуйаан сэбиэдиссэйэ; Баснаева С.А., С.А.Новгородов аатынан Чурапчы орто оскуолатын учуутала; Монастырева С.П., С.Т.Захаров аатынан Төлөй орто оскуолатын алын сүһүөх кылаас учуутала.
Күрэх түмүгэ:
Бастакы миэстэ - И.Е.Федосеев-Доосо аатынан Дирин орто оскуолатын учууталлара.
Иккис миэстэ - В.С.Яковлев-Далан аатынан Кытаанах орто оскуолатын учууталлара.
Үһүс миэстэ - С.А.Новгородов аатынан Чурапчы орто оскуолатын учууталлара.
Анал ааттар:
· "Креативность и творчество” В.С.Соловьев Болот Боотур аатынан Хатылы орто оскуолатын учууталлара
· "За применение современных методик в обучении” – Р.И.Константинов аатынан Амма орто оскуолатын учууталлара.
Чурапчы улууһун үөрэҕин салалтатын аатыттан С.Т.Захаров аатынан Төлөй орто оскуолатын коллективыгар уонна улуустааҕы алын сүһүөх кылаас учууталларын методическай холбоһугун салайааччытыгар Л.Е.Максимоваҕа махталбытын тиэрдэбит.
